काठमाडौँ- नागढुङ्गा नजिकै पहिरो खसेपछि अवरुद्ध बनेको काठमाडौँ-मुग्लिङ सडक अझै खुल्न सकेको छैन । अहिले पनि पहिरो खस्ने क्रम जारी रहेकाले बुधबार बिहानदेखि अवरुद्ध सडक अझै खुल्न नसकेको हो ।
लगातार पानी परिरहेकाले पहिरो खस्ने क्रम नरोकिएको हो । हाल प्रहरी, चन्द्रागिरि नगरपालिका, सडक डिभिजन कार्यालयका कर्मचारीसहित स्थानीय बासिन्दा सडक खुलाउने प्रयास गरिरहेका छन् ।
सडक अवरुद्ध भएसँगै काठमाडौँ आउने र काठमाडौँबाहिर जाने दर्जनौँ सवारीसाधन बाटोमै अलपत्र परेका छन् ।
यो खबर पढेर तपाईलाई कस्तो महसुस भयो ?
प्रतिक्रिया