काठमाडौँ। आज २०८३ साल जेठ १० गते आइतबार। अधिक जेठ शुक्ल पक्षको नवमी तिथि। तदनुसार सन् २०२६ मे २४ तारिख। गोरखकाली पूजा। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ ।
मेष: आज बौद्धिक कार्यमा सफलता मिल्नेछ। विद्यार्थी वर्गका लागि नयाँ कुरा सिक्ने राम्रो अवसर छ। प्रेम जीवनमा भने केही असमझदारी बढ्न सक्छ, त्यसैले कुराकानी गर्दा संयम अपनाउनुहोला। आर्थिक लाभको सम्भावना छ तर लगानी गर्नुअघि विज्ञको सल्लाह लिनु राम्रो हुनेछ।
वृष: पारिवारिक सुख(सुविधामा खर्च बढ्न सक्छ। घरजग्गाको कारोबारमा संलग्न हुनुहुन्छ भने आजको दिन केही ढिलाइ हुन सक्छ। आमाको स्वास्थ्यमा ध्यान दिनुहोला। मनमा केही अस्थिरता महसुस भए पनि साँझपख साथीभाइको साथले ऊर्जा प्रदान गर्नेछ।
मिथुन: आज पराक्रम र आत्मविश्वास बढ्नेछ। नयाँ व्यावसायिक योजनाहरू अघि बढाउनका लागि समय अनुकूल छ। छोटो दूरीको यात्रा फलदायी हुनेछ। दाजुभाइ तथा छिमेकीसँगको सम्बन्ध थप प्रगाढ बन्नेछ। सूचना र सञ्चारको क्षेत्रमा लागेकाहरूलाई विशेष लाभ मिल्नेछ।
कर्कट: आर्थिक दृष्टिकोणले आजको दिन निकै सुखद रहनेछ। बचत गरेको धनको उचित सदुपयोग हुनेछ। बोलीको प्रभावले रोकिएका कामहरू बन्नेछन्। परिवारमा नयाँ अतिथिको आगमन हुन सक्छ। मिष्ठान्न भोजन र रमाइलो भेटघाटको योग छ।
सिंह: चन्द्रमा आज पनि तपाईंकै राशिमा रहेकाले व्यक्तित्व निखारिनेछ। सामाजिक कार्यमा नेतृत्वदायी भूमिका निर्वाह गर्ने अवसर मिल्न सक्छ। नयाँ कामको प्रस्ताव आउन सक्छ। आत्मविश्वासका साथ अघि बढ्नुहोला, सफलता तपाईंको नजिक छ।
कन्या: आज अलि बढी खर्चालु दिन रहन सक्छ। अनावश्यक भ्रमण वा मनोरञ्जनमा समय र धन खर्च हुने देखिन्छ। वैदेशिक क्षेत्रको काममा प्रगति भए पनि स्वदेशमा भने केही चुनौती आउन सक्छन्। कामको चापले गर्दा शारीरिक थकाई महसुस होला।
तुला: आजको दिन आम्दानीका हिसाबले निकै राम्रो छ। लामो समयदेखि रोकिएको पैसा हात पर्न सक्छ। मित्र र दाजुभाइको सहयोगले ठुलो योजना सफल हुनेछ। नयाँ लगानीको सोच बनाउनुभएको छ भने आजको दिन कदम चाल्नु उपयुक्त हुनेछ।
वृश्चिक: कार्यक्षेत्रमा तपाईंको मान(सम्मान बढ्नेछ। हाकिम वा प्रभावशाली व्यक्तित्वसँगको भेटले करियरमा नयाँ दिशा दिन सक्छ। सरकारी काममा सफलता मिल्नेछ। पिता वा पैतृक सम्पत्तिको सहयोगले कुनै महत्त्वपूर्ण काम फत्ते हुनेछ।
धनु: भाग्यको साथले गर्दा जटिल कामहरू पनि सहजै बन्नेछन्। धार्मिक यात्रा वा तीर्थाटनको योग छ। उच्च शिक्षा अध्ययनरत विद्यार्थीहरूका लागि आजको दिन विशेष उपलब्धिमूलक रहनेछ। समाजसेवामा रुचि बढ्नेछ र मान(प्रतिष्ठा मिल्नेछ।
मकर: आज स्वास्थ्यमा केही गिरावट आउन सक्छ, विशेषगरी खानपानमा सतर्क रहनुहोला। गोपनीयतामा जोड दिनुहोला र आफ्ना योजनाहरू बाहिर नल्याउनुहोला। अचानक केही चुनौतीहरू आउन सक्छन्, तर धैर्य र संयमले ती समस्या समाधान हुनेछन्।
कुम्भ: दाम्पत्य जीवनमा सुख र शान्ति छाउनेछ। व्यापारमा नयाँ साझेदारीको अवसर मिल्न सक्छ। विपरीत लिङ्गी मित्रबाट विशेष सहयोग प्राप्त हुनेछ। भ्रमण वा छोटो यात्राले मन प्रसन्न राख्नेछ। भौतिक साधनको खरिदमा रुचि बढ्नेछ।
मीन: आज शत्रुहरूमाथि विजय प्राप्त गर्ने दिन हो। प्रतिस्पर्धामा तपाईंकै वर्चस्व कायम रहनेछ। रोकिएका पुराना मुद्दाहरू तपाईंको पक्षमा आउन सक्छन्। स्वास्थ्यमा सुधार हुनेछ र कार्य क्षमतामा वृद्धि हुनेछ। मामाघर पक्षबाट लाभ मिल्ने योग छ।
राशिफलले जे जस्तो भनेपनि तपाइँहरुको आजको दिन मङ्गलमय र शुभ बनोस् ।
यो खबर पढेर तपाईलाई कस्तो महसुस भयो ?
प्रतिक्रिया