काठमाडौँ– ७९ वर्षिया पवित्रा रसाईलीको तीज गीत ‘यात्रा अमेरिकाको : उइले उइलेकाे तीज– भाग ४’ सार्वजनिक भएको छ ।
आफ्नै वैयक्तिक मनोभावना,आफ्नो जीवनकहानीलाई मौलिक तीज गीत मार्फत रसाईलीले अभिव्यक्त गर्दै आएकी छिन् । उनका अघिल्ला तीज प्रस्तुतिहरु ‘उईले उईलेको तीज भाग (१,२ र ३) सार्वजनिक भइसकेका छन् ।
यी भागहरुमा उनका आफ्नै जीवनकहानीहरु समावेश भएका छन् । यो वर्ष भने उनले पहिलो पटक अन्तर्राष्ट्रिय जहाजको यात्रा अमेरिका भ्रमणको अनुभवलाई गीतमा प्रस्तुत गरेकी छिन् ।
गीतमा लय र स्वर उनकै समावेश छ भने सङ्गीत तथा शब्द संयोजन उनकै छोरा सङ्गीतकार बिबि अनुरागीको छ । भिडियोको कोरसमा गायिका रसाईलीलाई नै देख्न सकिन्छ ।
भिडियोको सम्पादनमा अर्जुन लोहार, छायाङ्कनमा ताराकान्त हरि र अर्जुन छन् । भिडियोकाे निर्देशनमा भने उत्साह घिमिरे र शिक्षा र रसाईली छन् ।
भिडियो :
यो खबर पढेर तपाईलाई कस्तो महसुस भयो ?
प्रतिक्रिया