काठमाडौँ। आज २०८३ साल जेठ ८ गते शुक्रबार। जेठ शुक्ल पक्षको षष्ठी तिथि। तदनुसार सन् २०२६ मे २२ तारिख। अन्तर्राष्ट्रिय जैविक विविधता दिवस। नक्षत्र अनुसार १२ वटा राशि हुन्छन् । चन्द्रमा अनुसार राशि र नक्षत्रका पद अनुसार नाम राखिन्छ। नेपाल न्युजका लागि आचार्य ज्यो.प.बलराम उपाध्याय खकुरेलले तयार पार्नुभएको आजको राशिफल:
मेष: आजको दिन रचनात्मक कार्यमा बित्नेछ। रोकिएका पुराना कामहरूलाई फेरि सुरु गर्ने अवसर मिल्नेछ। घरपरिवारमा मांगलिक कार्यको चर्चा चल्न सक्छ। व्यापारमा सामान्य लाभ भए पनि सन्तोषजनक रहनेछ। विद्यार्थी वर्गका लागि अध्ययनमा रुचि बढ्नेछ।
वृष: आर्थिक दृष्टिकोणले आज खर्चिलो दिन रहन सक्छ। स्वास्थ्यमा केही आलस्य महसुस होला। अनावश्यक विवादमा फस्ने सम्भावना रहेकाले बोलीमा संयम राख्नुहोला। वैदेशिक क्षेत्रको काममा भने केही प्रगति हुने देखिन्छ।
मिथुन: दिन निकै उत्साहजनक रहनेछ। आम्दानीका नयाँ स्रोतहरू फेला पर्नेछन्। साथीभाइ तथा इष्टमित्रसँग रमाइलो भेटघाट हुनेछ। छोटो दूरीको फलदायी यात्राको योग छ। सामाजिक प्रतिष्ठामा वृद्धि हुने समय छ।
कर्कट: कार्यक्षेत्रमा तपाईंको कामको प्रशंसा हुनेछ। नयाँ जिम्मेवारी प्राप्त हुन सक्छ। सरकारी वा प्रशासनिक काममा सफलता मिल्नेछ। परिवारको ज्येष्ठ सदस्यको सहयोगले महत्वपूर्ण निर्णय लिन सजिलो हुनेछ। लगानीका लागि समय अनुकूल छ।
सिंह: भाग्यले साथ दिने समय छ। धार्मिक र परोपकारी कार्यमा मन जानेछ। लामो समयदेखि रोकिएको काम अचानक बन्न सक्छ। वैदेशिक यात्राको प्रयास गर्दै हुनुहुन्छ भने आजको दिन सकारात्मक समाचार प्राप्त हुन सक्छ।
कन्या: आज स्वास्थ्य र सुरक्षामा विशेष ध्यान दिनुहोला। सोचेको काममा केही अवरोध आउन सक्छ। गोपनीयता कायम राख्नुहोला, अन्यथा अरूले फाइदा उठाउन सक्छन्। सवारी साधन चलाउँदा सावधानी अपनाउनु राम्रो हुनेछ।
तुला: दाम्पत्य जीवनमा मधुरता आउनेछ। साझेदारीमा गरिएका कामबाट राम्रो प्रतिफल मिल्नेछ। विलासिताका सामान खरिद गर्ने योग छ। प्रेम सम्बन्धमा रहेकाहरूका लागि दिन यादगार रहनेछ। नयाँ व्यावसायिक योजना बुन्न सकिनेछ।
वृश्चिक: तपाईंको साहस र पराक्रमले काममा सफलता दिलाउनेछ। पुराना शत्रुहरू मित्र बन्न सक्छन्। अदालती वा प्रतिस्पर्धात्मक कार्यमा विजय मिल्नेछ। स्वास्थ्यमा देखिएका पुराना समस्याहरू विस्तारै कम हुँदै जानेछन्।
धनु: बौद्धिक र शैक्षिक क्षेत्रमा राम्रो प्रगति हुनेछ। सन्तानको प्रगतिले मन प्रसन्न रहनेछ। कला र संगीतमा रुचि बढ्नेछ। सेयर बजारमा गरिएको लगानीले दीर्घकालीन फाइदा दिन सक्छ। इष्टमित्रबाट सहयोग मिल्नेछ।
मकर: घरायसी कामकाजमा समय बित्नेछ। आमा वा परिवारको स्वास्थ्यमा विशेष ख्याल राख्नुहोला। घर(जग्गाको कारोबारमा केही ढिलाइ हुन सक्छ। मनमा केही चञ्चलता रहे पनि साँझपख वातावरण शान्त र सहज हुनेछ।
कुम्भ: नयाँ कामको थालनी गर्नका लागि आजको दिन शुभ छ। दाजुभाइ तथा छिमेकीबाट पूर्ण सहयोग मिल्नेछ। सञ्चार माध्यमबाट शुभ समाचार सुन्न पाइएला। व्यावसायिक यात्रा सफल रहनेछ र आत्मविश्वास बढ्नेछ।
मीन: आर्थिक लाभको बलियो सम्भावना छ। बोलीको प्रभावले मानिसहरूलाई आकर्षित गर्न सकिनेछ। कुटुम्ब तथा आफन्तजनको सहयोगले काममा सहजता आउनेछ। मिष्ठान्न भोजनको अवसर मिल्नेछ। सञ्चित धन वृद्धि हुने योग छ।
राशिफलले जे जस्तो भनेपनि तपाइँहरुको आजको दिन मङ्गलमय र शुभ बनोस्।
यो खबर पढेर तपाईलाई कस्तो महसुस भयो ?
प्रतिक्रिया