कृषिमा आधारित गेममा राजेश हमालले होस्ट गर्ने

काठमाडौँ– कृषिमा आधारित एग्रीकल्चर गेम रियालिटी शो ‘र’ को कार्यक्रम होस्टमा अभिनेता राजेश हमाल देखा पर्ने भएका छन् । कार्यक्रमका लागि भने शनिबार देखि नै आवेदन खुलाएको छ ।

१६ वटा एपिसोड रहने सो कार्यक्रममा व्यावसायिक किसान र बीएस्सी कृषि वा सो सरह अध्ययन गरेका व्यक्तिले आवेदन दिन सक्ने आयोजकले जनाएको छ । कार्यक्रम हिमालयन टेलिभिजनमा आगामी मंसिर महिनादेखि प्रशारण हुने छ ।

किसानलाई सम्मानजनक पहिचान दिने उद्देश्य अनुरुप प्रस्तुत गर्नको लागि सो कार्यक्रम ल्याउन लागेको हो । कार्यक्रममा सहभागी भएका व्यक्तिको प्रस्तुतीलाई निर्णायक प्यानलले मूल्यांकन गर्ने जनाइएको छ ।

निर्णायक मण्डलमा कृषि मन्त्रालयका पूर्वसचिव योगेन्द्रकुमार कार्की, कृषि अर्थशास्त्री नम्रता पाण्डे र अन्य विषय विज्ञ छन् ।