काठमाडौँ– नेपाल प्रिमियर लिगअन्तर्गत बुधबार भएको इलिमिनेटर भिडन्तमा कर्णाली याक्सले चितवन राइनोजलाई २१ रनले पराजित गरेको छ।
यससँगै कर्णालीले क्वालिफायर २ को यात्रा पनि पक्का गरेको छ । त्रिवि क्रिकेट मैदानमा भएको खेलमा कर्णालीले पहिले ब्याटिङ गर्दै दिएको १७६ रनको लक्ष्य पछ्याएको चितवन सबै विकेट गुमाउँदै १५४ रनमा समेटिएको हो ।
पराजित भएको चितवनका लागि रवि बोपाराले सर्वाधिक ५३ रन जोडे । २४ उनले ४ छक्का र ३ चौकाको सहयोगमा उक्त रन जोडेका हुन् ।
बोपाराको अर्धशतकले बनाए पनि चितवन हारबाट जोगिन सकेन । यससँगै चितवन एनपीएलबाट पनि बाहिरिएको छ ।
उता विजयी भएको कर्णालीले अब क्वालिफायर १ मा पराजित हुने सुदूरपश्चिम र जनकपुरमध्ये एकसँग फाइनलका लागि प्रतिस्पर्धा गर्नेछ ।
क्वालिफायर १ मा शीर्ष दुई टोली सुदूरपश्चिम र जनकपुर बुधबार नै त्रिवि क्रिकेट मैदानमा भिड्दैछन् ।
यो खबर पढेर तपाईलाई कस्तो महसुस भयो ?
प्रतिक्रिया