आज एनपीएलमा ब्रेक, भोलिदेखि पुनः सुचारू हुने

काठमाडौँ– नेपाल प्रिमियर लिग (एनपीएल)को आज कुनै पनि खेल रहेका छैनन् ।

अघिल्लो शुक्रवारदेखि शुरु भएको एनपीएलको जारी खेलमा सोमवार भने ब्रेक लिइएको हो ।

अहिलेसम्म एनपीएलमा चौध वटा खेल भइसकेका छन । जसमध्ये जनकपुर बोल्टसले अपराजित हुदैँ चौथोंपटक पनि खेल जितेको छ ।

अहिलेसम्मकै सर्वाधिक रोचक खेलमध्ये जनकपुर बोल्टसले लुम्बिनी लायन्सलाई १ रनले पराजित गरेर हिजो अप्रत्याशित नतिजा निकालेको थियो भने सुदुरपश्चिमको अपराजित यात्रामा ब्रेक लगाउँदै ३३ रनले चितवन राइनोजले बाजी मारेको थियो ।