जनकपुरले लुम्बिनीलाई दियो १३७ रनको लक्ष्य

काठमाडौँ– एनपीएलको आजको पहिलो खेलमा जनकपुर बोल्टसले लुम्बिनी लायन्सलाई १३७ रनको लक्ष्य दिएको छ ।

कीर्तिपुरस्थित टीयू क्रिकेट मैदानमा टस हारेर पहिले ब्याटिङ गरेको जनकपुरले निर्धारित २० ओभरमा ९ विकेट गुमाउँदै १ सय ३६ रन बनायो ।

जनकपुरका लागि कप्तान अनिल कुमार साहले सर्वाधिक ४५ रन बनाए । यस्तै लाहिरु मिलान्था २४, आसिफ शेख १६, हर्ष थाकर १, जिमी जिशम १, मोहम्मद मोहसिन ३, शेर मल्ल ०, हेमन्त धामी ९ रनमा आउट भए ।

यसअघि लगातार तीन खेल हारेको लुम्बिनीलाई जित्नैपर्ने दबाब छ । यता जनकपुर बोल्टसले यसअघि तीन खेज जितिसकेको छ ।