काठमाडौँ- आन्द्रेस गौसको कीर्तिमानी शतकमा पोखरा एभेन्जर्सले नेपाल प्रिमियर लिग (एनपीएल) मा पहिलो जित हासिल गरेको छ ।
गौस र दिनेश खरेलले कीर्तिमानी साझेदारी गरेपछि पोखराले शुक्रबारको दोस्रो खेलमा लुम्बिनी लायन्सलाई १० विकेटले पराजित गरेको हो । गौसले अविजित १ सय ४ र खरेलले अविजित ६१ रन जोडे ।
यससँगै गौस एनपीएलमा शतक हान्ने पहिलो खेलाडी बने । पोखराले १ सय ७१ रनको लक्ष्य १६ ओभर ५ बलमा १ सय ७६ रन बनाएर पूरा गर्यो । यससँगै पोखरामा एनपीएलमा १० विकेटको जित हात पार्ने पहिलो टिम बन्यो ।
त्यसअघि कीर्तिपुरस्थित टीयू मैदानमा टस जितेपछि पहिला ब्याटिङ गरेको लुम्बिनीले कप्तान रोहित पौडेलको ९५ रन मद्दतमा निर्धारित २० ओभरमा ५ विकेट गुमाएर १ सय ७० रन बनाएको थियो ।
यस्तै टम मुर्सले ४५ रन जोडे । रोहित र टम मुर्सले चौथो विकेटका लागि १ सय १० रनको शतकीय साझेदारी गरेका थिए ।
यो खबर पढेर तपाईलाई कस्तो महसुस भयो ?
प्रतिक्रिया