लुम्बिनीले पोखरालाई दियो १ सय ७१ रनको लक्ष्य

काठमाडौँ- लुम्बिनी लायन्सले पोखरा एभेन्जर्सविरुद्ध १७१ रनको लक्ष्य प्रस्तुत गरेको छ । नेपाल प्रिमियर लिग (एनपीएल)को आजको दोस्रो खेलमा लुम्बिनी लामो रन लक्ष्य प्रस्तुत गरेको हो । 

कप्तान रोहित पौडेल र टम मुर्सको शतकीय साझेदारीसँगै लुम्बिनीले विशाल लक्ष्य प्रस्तुत गरेको हो । टस जितेर ब्याटिङ रोजेको लुम्बिनीले २० ओभरको समाप्तिमा पाँच विकेट गुमाउँदै १७० रनको योगफल तयार पार्न सफल भएको हो । 

सो खेलमा पौडेल र मूर्सले चौथो विकेटका लागि ११० रनको साझेदारी गरेका थिए । रोहितले ५९ बलमा १० चौका र चार छक्कासहित ९५ रनको पारी खेल्दा मूर्स अर्धशतकबाट पाँच रनले मात्रै चुकेका थिए ।

यसबाहेक चौथो नम्बरका ब्याटर सन्दीप जोराले १८ रनको योगदान गर्दा अन्य ब्याटरले दोहोरो अंकमा रन जोड्न सकेन ।