नेपाल प्रिमियर लिग एनपीएलमा जनकपुर बोल्ट्सले पोखरा एभेन्जर्सलाई पराजित गरेको छ । कीर्तिपुरस्थित त्रिवि मैदानमा भएको खेलमा जनकपुरले पोखरालाई ७ विकेटले पराजित गरेको हो ।
पोखराले दिएको १ सय ३९ रनको लक्ष्य जनकपुरले १७ ओभर १ बलमा ३ विकेटको क्षतिमा भेट्टायो । जनकपुरका लाहिरु मिलन्ताले ४५ रन र जिम्मी निसमले ४० रन बनाए । पोखराका माइकल लिस्क, विपिन खत्री र कुशल भुर्तेलले समान १ विकेट लिए ।
त्यसअघि टस हारेर पहिले ब्याटिङको निम्तो पाएको पोखराले निर्धारित २० ओभरमा ७ विकेट गुमाउँदै १ सय ३८ रन बनाएको थियो । पोखराका लागि मार्कस क्रिचलीले सर्वाधिक ३५ रन बनाए ।
त्यसैगरी, माइकल लिस्कले २५ रनको योगदान गरे । जनकपुरका ललित राजवंशीले सर्वाधिक ३ विकेट लिए भने जिम्मी निसमले २ विकेट झारे ।
यो खबर पढेर तपाईलाई कस्तो महसुस भयो ?
प्रतिक्रिया