सुदूरपश्चिमले दियो विराटनगरलाई १८३ रनको लक्ष्य

काठमाडौँ– नेपाल प्रिमियर लिग (एनपीएल) मा जारी खेल अन्तर्गत सुदूरपश्चिम रोयल्सले विराटनगर किङ्गसलाई १८३ रनको लक्ष्य दिएको छ ।

टिमका कप्तान दीपेन्द्र सिंह ऐरीले आक्रामक ब्याटिङ गर्दै अर्धशतक बनाए । उनले अन्तिम दुई बलमा लगातार छक्का प्रहार गरे ।

टस हारेर पहिले ब्याटिङ खेलेको सुदूरपश्चिमले ७ विकेट गुमायो भने १८२ रन जोड्यो । खेलको अन्तिम ओभरमा ऐरीले जोडेको रनले सुदूरपश्चिम रोयल्सले १८३ को लक्ष्य दिन सफल भएको हो ।

खेलमा दीपेन्द्रसिंह ऐरीले ५७, ब्रान्डनले ३६, बिनोद भण्डारीले २३, इशान पाण्डेले २१, सैफ जैबले १४, स्कटले १० रन बनाए ।