काठमाडौँ- आयोजक राष्ट्र पाकिस्तानमा भारतले च्याम्पियन्स ट्रफी खेल्न अस्वीकार गरेपछि अन्तर्राष्ट्रिय क्रिकेट काउन्सिल आईसीसी थप निर्णयमा पुग्नु पर्ने भएको छ ।
जसका कारण सन २०२५ को च्याम्पियन्स ट्रफीको भाग्य निर्धारण गर्न अन्तर्राष्ट्रिय क्रिकेट काउन्सिल आईसीसीको बैठक यसै साता बस्नेछ ।
यस महिनाको सुरूवातमा भारतको आईसीसीले पाकिस्तान क्रिकेट बोर्ड पीसीबीलाई भारतले ८ टोलीको प्रतिस्पर्धाका लागि पाकिस्तान भ्रमण नगर्ने बताएको थियो, जसले गर्दा प्रतियोगिताको भविष्य संकटमा परेको छ ।
दुबईमा रहेको आईसीसीका प्रवक्ताले थप विवरणहरू उपलब्ध नगराइकन आगामी शुक्रबार आईसीसीको बैठकमा यो मुद्दा एजेन्डामा हुने पुष्टि गरेका छन् ।
पीसीबीले पहिले नै भारतलाई तटस्थ तेस्रो देशमा खेल्न अनुमति दिने प्रस्तावलाई अस्वीकार गरिसकेको छ । भारतको क्रिकेट बोर्डले प्रतियोगिताबारे कुनै प्रतिक्रिया दिएको छैन ।
बिग्रिएको राजनैतिक सम्बन्धको अर्थ कटु प्रतिद्वन्द्वी भारत र पाकिस्तानले एक दशकभन्दा बढी समयदेखि द्विपक्षीय क्रिकेट शृंखला खेलेका छैनन् ।
गत वर्ष पनि एसिया कप पाकिस्तानले आयोजना गर्दा भारतका खेलहरू देशबाहिर खेलिएका थिए ।
यो खबर पढेर तपाईलाई कस्तो महसुस भयो ?
प्रतिक्रिया