लेगानेसको पोस्टमा रियल मड्रिडको ३ गोल

काठमाडौं– स्पानिस ला लिगामा रियल मड्रिडले लेगानेसलाई ३–० ले पराजित गरेको छ । लेगानेसको मैदानमा भएको खेलमा रियलका लागि केलिएन एमबाप्पे, फेडेरिको भलभर्डे र जुड बेलिङघहमले गोल गरे ।

खेलको ४३औं मिनेटमा एमबाप्पेले गोल गर्दै रियललाई अग्रता दिलाएका थिए । भलभर्डेले ६६औं मिनेटमा गोल गर्दै रियलको अग्रता दोब्बर पारे । ८५ औँ मिनेटमा बेलिङघहमले गोल गर्दै रियललाई सहज जित दिलाउन सहयोग गरे ।

यस जितसँगै एट्लेटिको मड्रिडलाई पछि पार्दै रियल दोस्रो स्थानमा उक्लेको छ ।

जितपछि १३ खेलबाट ३० अंक जोडेको दोस्रो स्थानमा उक्लेको छ । रियलले शीर्ष स्थानको बार्सिलोनासँग अंकदूरी ४ मा झारेको छ । रियलले अझै एक खेल कम खेलेको छ । १४ खेलबाट बार्सिलोनाको ३४ अंक छ । समान खेलबाट २९ अंकसहित एट्लेटिको तेस्रो स्थानमा छ ।