बार्सिलोना सोसीयडाडसँग १-० गोल अन्तरले पराजित

काठमाडौँ – स्पेनिस ला लिगामा बार्सिलोना पराजित भएको छ । गएराती सम्पन्न खेलमा बार्सिलोना रियल सोसीयडाडसँग १-० गोल अन्तरले पराजित भएको हो ।

रियल सोसियडाडको जितमा खेलको ३३औं मिनेटमा शेराल्डो बेकारले गरेको गोल नै खेलको निर्णायक गोल बनेको थियो ।

यस सिजनको ला लिगामा बार्सिलोनाको यो दोस्रो हार हो । यो हारपछि बार्सिलोना १३ खेलमा ३३ अंकसहित शीर्ष स्थानमा कायम छ । त्यस्तै एक खेल कम खेलेको रियल म्याड्रिड १२ खेलमा २७ अंकसहित दोस्रो स्थानमा रहेको छ ।

त्यसैगरि बार्सिलोनाविरुद्ध महत्त्वपूर्ण ३ अंक हासिल गरेको रियल सोसियडाडको भने १३ खेलमा १८ अंक भएको छ र लिगमा आठौँ स्थानमा छ ।