काठमाडौँ– नेपाल प्रिमियर लिग (एनपीएल) मा सुदूरपश्चिम रोयल्सले न्यूजील्याण्डका बलिङ अलराउन्डर स्कट कुगलाइनलाई भित्र्याएको छ ।
३२ वर्षीय कुगलाइनलाई एनपीएलका लागि भित्र्याएको सुदूरपश्चिमले जानकारी दिएको छ ।
सुदूरपश्चिमले भित्र्याएका कुगलाइन तेस्रो विदेशी खेलाडी हुन् । यसअघि सुदूरपश्चिमले स्कटल्याण्डका ब्याटिङ अल राउण्डर ब्राण्डन म्याकुलेन र पाकिस्तानका ब्याटिङ अलराउण्डर सैफ जैब अनुबन्ध गरेको थियो ।
सुदूरपश्चिमको मार्की खेलाडीमा राष्ट्रिय टिमका दीपेन्द्र सिंह ऐरी रहेका छन् ।
आगामी मङ्सिर १५ देखि पुस ६ सम्म आयोजना हुने एनपीएलमा विदेशी खेलाडी भित्र्याउने क्रम जारी रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया