साफ महिला च्याम्पियनसिपमा आज बङ्गलादेश र पाकिस्तान खेल्दै

काठमाडौँ – जारी साफ महिला च्याम्पियनसिपमा आज बङ्गलादेश र पाकिस्तानबीच खेल हुँदै छ । समूह ए मा रहेका पाकिस्तान र बङ्गलादेशबीचको यो खेल दशरथ रंगशालामा साँझ साढे ५ बजेदेखि शुरु हुने छ ।

प्रतियोगितामा पाकिस्तानले पहिलो खेलमा भारतसँग ५-२ गोल अन्तरले हार बेहोरेको छ भने डिफेन्डिङ च्याम्पियन बङ्गलादेशले आफ्नो पहिलो खेल खेल्दै छ ।

पाकिस्तानका लागि यो खेल जित्नै पर्ने अवस्था रहेको छ । यस खेलमा हार बेहोरेमा सेमिफाइनलको दौडबाट बाहिरिने सम्भावना रहेको छ ।

यस अघि सम्पन्न ६ साफ महिला च्याम्पियनसिपमा भारतले पाँच पटक उपाधि जितेको छ भने पछिल्लो पटक बङ्गलादेशले यो उपाधि जितेको थियो ।