बङ्गलादेशविरुद्धको टी-२० सिरिजमा भारतको विजयी शुरुवात

काठमाडौँ – भारतले बङ्गलादेशविरुद्धको टी-२० सिरिजमा विजयी शुरुवात गरेको छ । आइतबार राति सम्पन्न खेलमा भारतले बङ्गलादेशलाई ७ विकेटले पराजित गरेको हो ।

बङ्गलादेशले दिएको १२८ रनको लक्ष्य पछाएको भारतले ११.५ ओभरमा ३ विकेट गुमाउँदै लक्ष्य पुरा गरेको थियो ।

यस अघि टस हारेर पहिला ब्याटिङ गरेको बङ्गलादेशले १९.५ ओभरमा अल आउट हुँदै १२७ रन बनाएको थियो ।

यो जितपछि ३ खेलको टी-२० सिरिजमा भारत १-० ले अगाडी भएको छ । अब सिरिजको दोस्रो खेल आगामी बुधबार भारतको दिल्लीमा हुँदै छ ।