लेस्टरमाथि आर्सनलको रोमाञ्चक जित

काठमाडौँ – आर्सनलले लेस्टर सिटीमाथि जित हासिल गरेको छ । इङलिश प्रिमियर लिग अन्तर्गत आर्सनलले लेस्टर सिटीलाई ४-२ गोल अन्तरले पराजित गरेको हो ।

आर्सनलले ९० मिनेटपछिको इन्जुरी समयमा २ गोल गर्दै जित हासिल गरेको थियो । आर्सनलको जितमा लीन्द्रो ट्रोसार्डले २ गोल गरेका थिए बने गाब्रियल मार्टिनेली र काइ हार्भेटले एक एक गोल गरेका थिए । त्यसैगरी लेस्टर सिटीका लागि दुवै गोल जेम्स जस्टिनले गरेका थिए । 

यो जितपछि आर्सनलको ६ खेलमा १४ अङ्क भएको छ र शीर्ष स्थानमा रहेको म्यानचेस्टर सिटीको बराबरी गरेको छ । सिटी गोल अन्तरको आधारमा शीर्ष स्थानमा रहेको छ ।

त्यसैगरी लेस्टर सिटीको भने ६ खेलमा ३ अङ्क रहेको छ र लिगमा १६औ स्थानमा छ ।