काठमाडौँ – एएफसी ‘महिला च्याम्पियन्स लिग’ को प्रारम्भिक छनोट खेल्न विभागीय टोली एपीएफ क्लब मलेसिया गएको छ ।
खेल पर्सि आइतवारदेखि शुरू हुँदैछ । एपीएफले पहिलो पटक महिला च्याम्पियन्स लिगको प्रारम्भिक छनोट खेल्न लागेको हो ।
एसियाली फुटबल महासङ्घ (एएफसी) को ‘ड्र’ अनुसार एपीएफ समूह ‘सी’मा रहेको छ ।
यो समूहमा एपीएफसँगै उज्वेकिस्तानको फुटबल क्लब नासाफ र मलेसियाको सबा फुटबल क्लब रहेको छ । एएफसीका अनुसार प्रारम्भिक चरणमा १३ वटा टोलीले प्रतिस्पर्धा गर्नेछन् ।
यो खबर पढेर तपाईलाई कस्तो महसुस भयो ?
प्रतिक्रिया