काठमाडौँ – नेपाल राष्ट्रिय भलिबल टिमले आज रुसको टिमसँग पहिलो मैत्रीपूर्ण भलिबल खेल्दै छ ।
नेपालस्थित रसियाली दूतावासको विशेष सहयोगमा पहिलो पटक रसियाली टोलीसँग मैत्रीपूर्ण खेल हुन लागेको नेपाल भलिबल संघले जनाएको हो ।
यो खेल आज बेलुका ५ बजे सुरु हुनेछ । नेपालले भोलि नै दोस्रो मैत्रीपूर्ण खेल खेल्नेछ । यो नेपालका लागि यसै महिनादेखि घरेलु कोर्टमै आयोजना हुने काभा नेसन्स लिगको तयारी खेल समेत हुने छ ।
साउन १७ गतेदेखि हुने उक्त प्रतियोगितामा नेपालसँगै भारत, इरान, श्रीलंका र माल्दिभ्सले सहभागिता जनाउनेछन् ।
नेपाली टिम
अरुणा शाही (कप्तान), सरस्वती चौधरी, निरुता ठगुन्ना, उषा भण्डारी, पुनम चन्द, संगम महतो, कविता भट्ट, सलिना श्रेष्ठ, कामना विष्ट, प्रगति नाथ, शान्तिकला तामाङ, साफिया पुन, आरती सुवेदी र सुमित्रा रेग्मी ।
यो खबर पढेर तपाईलाई कस्तो महसुस भयो ?
प्रतिक्रिया