‘होस्टेल ३’ मा रिहान, पदम र सिम्रनको डेब्यू

काठमाडौँ– फिल्म ‘होस्टेल ३’ मा रिहान गिरी, पदम तामाङ र सिम्रन पन्तको प्रवेश गर्ने भएका छन् । फिल्ममा तीनै जनाले डेब्यू गर्न लागेका हुन् ।

फिल्म निर्देशक सशान कँडेलले निर्देशन गर्न लागेका हुन् । उनले होस्टेलमा बसेर अध्ययन गरिरहेका टिनेजर र उनीहरूको भविष्यका घटनाहरूमा आधारित रहने जानकारी दिएका छन् । फिल्म यस वर्षका अन्तिममा प्रदर्शनी हुने छ ।

फिल्ममा सशानको कथा, माधव शर्माको पटकथा तथा संवाद छ । सम्मान इन्टरटेनमेन्टले आरोन कन फिल्मस्सँगको सहकार्यमा निर्माण गर्न लागेको फिल्ममा शिशिर ज्ञवाली निर्माता, शंकर कोइराला कार्यकारी निर्माता, सुधा मरहट्ठा, सुरेश कँडेल र अर्जुन सापकोटा सह–निर्माता तथा कर्ण कार्की लाइन प्रोड्युसर छन् ।