काठमाडौँ– मदन थापाको लेखन एवं निर्देशनमा रहेको फिल्म ‘बाटोः रोड टु डेथ’ यही जेठ ३२ गतेदेखि प्रदर्शनमा आउँदैछ।
फिल्म प्रदर्शनी नजिकिएसँगै २ मिनेट ३४ सेकेण्डको ट्रेलरले सार्वजनिक गरिएको छ । थ्रिलर शैलीको ट्रेलरमा जंगलमा रहेको बाटोमा गाडीमा यात्रा गरिरहेका फरक–फरक पृष्ठभूमिका पात्रहरूले व्यहोरेको समस्यालाई देखाइएको छ।
फिल्ममा मिथिला शर्मा, आशान्त शर्मा, पशुपति राई, सुलक्षण भारती, रक्षा थापा, उत्पल झा, विजय आनन्द ताम्राकार, राजेन थापा, आभाष अधिकारी, गणेश उपाध्याय, किरण शाहीलगायतको अभिनय छ।
चन्दन झा निर्माता रहेको फिल्ममा शरण ऋषिको छायांकन, एनबी महर्जनको द्वन्द्व छ। काठमाडौं र गाईघाटमा छायांकन गरिएको फिल्मको प्राविधिक कार्य भारतको चेन्नइँमा भएको निर्माण टिमले जनाएको छ।
यो खबर पढेर तपाईलाई कस्तो महसुस भयो ?
प्रतिक्रिया