अनमोललाई लिएर ‘करोडपति २’ बनाउँदै भुवन केसी

काठमाडौं– भुवन केसीले अभिनेता अनमोल केसीलाई लिएर ‘करोडपति २’ फिल्म बनाउने भएका छन् । भुवन केसीले यही वर्षभित्र सो फिल्म बनाउन लागेका हुन् ।

फिल्म निर्माणको लागि भुवन केसीले केही समयअघि मात्रै अर्का मेकर मनोज पण्डितसँग भेटेका थिए । सो फिल्म काजल फिल्म्सको ब्यानरमा निर्माण हुन लागेको जनाइएको छ ।

फिल्मको छायांकन दशैं आसपासमा सकाएर नयाँ वर्षमा रिलिज गर्ने तयारी भइरहेको जनाइएको छ ।

सो फिल्मको मूख्य भूमिकामा अनमोल केसी रहेनछन् भने भुवन केसी आफैँ पनि पर्दामा देखिनेछन् । करीब एक दशकअघि भुवन केसीले ‘करोडपति’ फिल्म निर्माण गरी राम्रो कमाइसमेत गरेका थिए ।