लखनउमाथि कोलकोता ९८ रनले विजयी

काठमाडौँ – इण्डियन प्रिमियर लिग (आइपिएल) अन्तर्गत कोलकोता नाइट राइडर्सले लखनउ सुपर जाइन्टलाई पराजित गरेको छ ।

गएराती सम्पन्न खेलमा कोलकोताले लखनउलाई ९८ रनले पराजित गरेको हो ।

कोलकोताले दिएको २३६ रनको लक्ष्य पछाएको लखनउ १६.१ ओभरमा अल आउट हुँदै १३७ रन मात्र बनाएको थियो ।

यसअघि कोलकोताले २० ओभरमा ६ विकेट गुमाउँदै २३५ रन बनाएको थियो ।

यो जितपछि कोलकोता शीर्ष स्थानमा उक्लिएको छ । कोलकोताको ११ खेलमा १६ अङ्क भएको छ । त्यस्तै लखनउको भने यो पाँचौँ हार हो । ११ खेलमा १२ अङ्क रहेको लखनउ अङ्क तालिकामा पाँचौँ स्थानमा रहेको छ ।