ट्रान्सजेन्डर बोनिता फिल्म ‘एलएसडी २’ का कारण चर्चामा

काठमाडौँ– एकता कपुरको ‘लभ सेक्स और धोखा २’ चाँडै प्रदर्शनमा आउँदैछ । यो फिल्मको कथाले बलिउडमा हलचल ल्याउने आँकलन गरिएको छ ।

फिल्मको टिजर सार्वजनिक भएदेखि नै यसमा अभिनय गरेका कलाकारका कारण फिल्मले चर्चा कमाइरहेको छ । ट्रान्सजेन्डरको भूमिका निर्वाह गर्ने यी अभिनेता को हुन् भन्ने जान्न सबैलाई उत्सुकता छ ।

अब यसको जवाफ निर्माता आफैंले दिएका छन् । बालाजी मोसन पिक्चर्सको पेजमा एक भिडियो सेयर गरेर फिल्ममा मुख्य भूमिका निर्वाह गर्ने अभिनेता को हुन् भन्ने बताइएको छ ।

‘लभ सेक्स और धोखा २’ मा मुख्य भूमिका निभाएकी बोनिता राजपुरोहित वास्तविक जीवनमा पनि ट्रान्सजेन्डर हुन् ।

भिडियोमा राजस्थानको एउटा सानो गाउँ डुङ्गरीबाट मुम्बई आएको कथा सुनाउँदै बोनिता भन्छिन्, ‘शुरुवातदेखि नै फिल्ममार्फत आफ्नो बारेमा सिकेको थिएँ, जहिले पनि फिल्ममा म जस्तो मान्छे देख्ने गर्थें, मलाई लाग्थ्यो, हो, यो म जस्तै हो र मेरो कथा पनि महत्त्वपूर्ण छ, मलाई पर्दामा पनि मानिसहरूले मन पराउनु नै मेरो लागि सबैभन्दा ठूलो प्रेरणा हो, मानिसहरू स्क्रिनमा पनि ट्रान्सजेन्डर प्रतिनिधित्व देख्न चाहन्छन्, म एउटा सानो उत्पादन कम्पनीमा काम गर्थें, जहाँ मेरो तलब १० देखि १५ हजारसम्म थियो, त्यो तलबमा बाँच्न पनि गाह्रो हुन्थ्यो ।”

‘मैले सपनामा पनि अभिनय गर्ने भूमिका पाउँछु भन्ने सोचेको थिइनँ तर यहाँ मैले बलिउड फिल्मको एउटा सच्चा पात्र निभाउन पाएँ, त्यसैले केही सपनाहरू साकार हुन्छन्, यो सम्पूर्ण यात्रा मेरो लागि धेरै विशेष छ, गाह्रो भएको छ, ठूलो कुरा यो हो कि मैले फिल्ममा कसैको क्यारेक्टर खेल्नु पर्दैन, फिल्ममा म आफ्नै ट्रिगर प्वाइन्टहरू छुन्छु, जुन मेरो आफ्नै समस्या हो, तपाईं मलाई क्यामेरामा आफ्ना कुराहरू बताउन सक्नुहुन्छ, हिम्मतसँ बोल्न धेरै साहस चाहिन्छ,’ उनले भनेकी छिन् ।