एकदिवसीय सिरिज : टस जितेर ब्याटिङमा आयरल्यान्ड

काठमाडौँ – जारी एक दिवसीय सिरिजको अन्तिम खेलमा आयरल्यान्ड वोल्भ्सले टस जितेर ब्याटिङ रोजेको छ । 

योसंगै नेपालले पहिलो फिल्ड गर्दैछ । नेपालले आजको खेलमा ४ परिवर्तन गरेको छ । आरिफ शेख, श्याम ढकाल, कमल सिंह ऐरी र बसिर अहमद बेन्चमा छन् । वोल्भ्स ले पनि टोलीमा ३ परिवर्तन गरेको छ । 

नेपालले सिरिजको सुरुवाती दुवै खेल हारिसकेको छ । फलतः क्लिन स्वीप हुनबाट जोगिन आज जित्नै पर्ने दबाबमा नेपाल छ । नेपाल ए पहिलो खेलमा २१ रनले र दोस्रो खेल ११४ रनले हार बेहोरेको थियो ।

एक दिवसीय सिरिज खेल्ने नेपाल ए टिम :

विनोद भण्डारी (कप्तान), अर्जुन कुमाल, देव खनाल, नरेन भट्ट, भिम सार्की, अर्जुन साउद, आरिफ सेख, बशीर अहमद, कमल सिंह ऐरी, शदाब आलम, रंजित कुमार, रुपेश सिंह, रिजन ढकाल, बिकास आग्री र मौसम ढकाल रहेका छन् ।