साउदी लिगमा अल हिलाल अपराजित

काठमाडौँ – साउदी प्रो लिग अन्तर्गत अल हिलालले आफ्नो अपराजित यात्रा जारी राखेको छ ।

गएराती सम्पन्न खेलमा अल हिलालले अल खालीजलाई ४-१ गोल अन्तरले पराजित गरेको हो ।

अल हिलालको जितमा माल्कमले २ गोल गरेका थिए भने सालेह अलशेश्री र अब्दुल्लाह अल हामदानले एक एक गोल गरेका थिए ।

त्यस्तै अल खालीजका लागि मोहमद शेरिफले एक गोल गरेका थिए ।

यो जितपछि अल हिलालको २७ खेलमा २५ जित र २ बराबरीसहित अपराजित रहँदै ७७ अङ्क भएको छ र लिगमा शीर्ष स्थानमा छ ।

त्यसैगरी दोस्रो स्थानमा रहेको अल नासर २७ खेलमा ६५ अङ्कसहित दोस्रो स्थानमा रहेको छ । त्यस्तै अल खालीज भने २७ खेलमा ३४ अङ्कसहित नवौँ स्थानमा रहेको छ ।