काठमाडौँ– हङकङमा जारी त्रिकोणात्मक टी–२० आई सिरिज अन्तर्गतको दोस्रो खेलमा नेपालले पपुवा न्युगिनीलाई १ सय ९९ रनको लक्ष्य दिएको छ ।
टस हारेर पहिलो ब्याटिङको निम्तो पाएको नेपालले २० ओभरमा ६ विकेट गुमाउँदै १ सय ९८ रन बनायो ।
नेपालका लागि ओपनर कुशल भुर्तेल र सन्दीप जोराले अर्धशतक बनाए । भुर्तेलले ३९ बलमा ४ चौकासहित सर्वाधिक ५९ रन बनाए भने सन्दीप जोराले २६ बलमा ३ चौका र ४ छक्कासहित ५६ रन बनाए ।
त्यस्तै विनोद भण्डारी २७ र लोकेश बम १४ रनमा आउट भए भने विवेक यादवले १९ रन जोडे । यस्तै गुलशन झाले १५ रन जोडे ।
कप्तान रोहित पौडेल एक रनमा आउट भएका थिए भने आरिफ शेरले चार रन बनाए ।
फाइनलमा पुग्न नेपालले आजको खेल जित्नुपर्ने हुन्छ ।
यो खबर पढेर तपाईलाई कस्तो महसुस भयो ?
प्रतिक्रिया