अल नासरमाथि अल रइद ३– १ गोल अन्तरले विजयी

काठमाडौँ – साउदी प्रो लिग अन्तर्गतको खेलमा अल नासर अल रइदसंग पराजित भएको छ ।

गएराती सम्पन्न खेलमा अल रइदले अल नासरमाथि ३–१ गोलको शानदार जित हासिल गरेको हो ।

अल रइदको जितमा क्रिम एल बेर्काओउइ, मोहमद फोउजैर र अमिर सयोउदले एक एक गोल गरेका थिए । त्यसैगरी अल नासरका लागि एक गोल आइम्यान याहयाले फर्काएका थिए ।

यो अल नासरको लगातार दोस्रो हार हो । यस अघि एसियन च्याम्पियन्स लिग अन्तर्गतको खेलमा अल ऐनसँग १० को हार बेहोरेको थियो ।

यो हारपछि अल नासरको लिगमा २३ खेलमा ५३ अंक रहेको छ र शीर्ष स्थानमा रहेको अल हिलालभन्दा ९ अंकले पछाडि रहेको छ । यद्यपि अल हिलल एक खेल कम खेलेको छ ।

त्यसैगरी अल रइदको यो जितपछि २३ खेलमा २३ अंक भएको छ र लिगमा १३औँ स्थानमा रहेको छ ।