आफूलाई सकारात्मक यसरी बनाउनुहोस्

काठमाडौं- पछिल्लो समय मानिसहरु नकरात्मक सोचाइ र नकरात्मक कर्मतर्फ अग्रसर भएको देखिन्छ । यसकारण हत्या, हिंसा, लुटपाट, आत्महत्या जस्ता घटनाहरु दिन प्रतिदिन बढ्दो छ । समाजमा यस्ता घटनाहरुको देखासिकी गर्ने क्रम पनि निकै तिब्र गतिमा बढिरहेको छ । यसकारण आफुलाई सकरात्मक बनाउन यस्तो उपाय अपनाउनुहोस् ।

–आफूलाई मनपर्ने कुरा गर्नुहोस्

आफूलाई मनपर्ने कुरा गर्नुहोस् । मनपर्ने पुस्तक पसलमा जानुहोस्, साथीहरूसँग कफीको आनन्द लिनुहोस्, पार्कमा साँझको पैदल यात्रा गर्नुहोस्, वा मनपर्ने पुस्तक पढ्नुहोस् । यसले तपाईंलाई सकारात्मक राख्न मद्दत गर्नेछ ।

-आफु सन्तुष्ट हुने काम गर्नुहोस्

जुन चिजहरुसँग तपाईं सन्तुष्ट हुनुहुन्छ उक्त चीजहरूको सूची बनाउनुहोस् । केही चीजहरू लेख्नुहोस् जसले तपाईंलाई खुसी वा कृतज्ञ महसुस गराउँदछ ।

– आफूलाई महसुस गर्ने

जब तपाईं तनाव महसुस गर्दै हुनुहुन्छ, गहिरो सास लिनुहोस् । ध्यान दिनुहोस् कि तपाईंको शरीर कस्तो महसुस गर्छ र तपाईं कुन आवाजहरू सुन्न सक्नुहुन्छ । एकचोटी तपाईंले आफ्ना विचारहरू पहिचान गर्न सिक्नुभयो भने तपाईं सक्रिय रूपमा नकारात्मक विचारहरूलाई थप सकारात्मक विचारहरूसँग बदल्न सक्नुहुन्छ ।

-हास्ने गर्नुहोस्

यदि तपाईं खुसी महसुस गर्नुहुन्न भने पनि, आफैलाई मुस्कुराउन बाध्य पार्नुले वास्तवमा तपाईंलाई राम्रो महसुस गराउन सक्छ । मुस्कानले तपाईंको दिमागमा रसायनहरू निस्कन मद्दत गर्दछ जसले तपाईंलाई खुशी र आराम महसुस गराउँछ । तपाईं निराश महसुस गर्दै हुनुहुन्छ भने केहि मिनेटको लागि मुस्कुराउने प्रयास गर्नुहोस् र हेर्नुहोस् ।

-आफूलाई खुसी बनाउने चीजहरू कल्पना गर्नुहोस्

आफूलाई खुसी पार्ने चिजहरू, आफूले बिताएको रमाइलो समय याद गर्नाले पनि सकारात्मक रहन मदत गर्छ ।

-कम्तिमा आठ घण्टासम्म सुत्नुहोस्

जस्तोसुकै व्यस्त हुनुहुन्छ भने पनि पर्याप्त निद्राका लागि समय छुट्याउने गर्नुपर्छ । छदेखि आठ घण्टासम्म दिनहुँ सुत्नुभएन भने तपाईंको मन स्वस्थ रहन सक्दैन । जसले तपाईंलाई नकारात्मकता तिर लैजान सक्छ ।

-नियमित व्यायाम गर्नुहोस्

योग, व्यायाम नियमित गर्ने गर्नुभयो भने शरीरमा अक्सिजनको ‘इन्टेक’ बढ्छ। रगतमा अक्सिजनको मात्रा बढ्यो भने यसले तपाईंलाई आलश्य, चिन्ता, तनावबाट मुक्त हुन मद्दत गर्छ। जसले तपाईंलाई सकारात्मक रहन मदत गर्छ।