नेपालको १ सय रन पूरा, लगत्तै आशिफ शेख आउट

काठमाडौं- आईसीसी विश्वकप लिग २ अन्तर्गत नामिबियाविरुद्धको खेलमा नेपालले अहिले टस हारेर पहिले ब्याटिङ गरिरहेको छ ।

कीर्तिपुरस्थित टीयू मैदानमा जारी खेलमा नेपालको १ सय रन पूरा भएको छ । खेलको १९ औँ ओभर ३ बलमा नेपालको १ सय रन पूरा भएको हो ।

यसैबीच, नेपालले १ सय रन पूरा गरेको २ बललगत्तै आशिफ शेख आउट भएका छन् । उनी बर्नाड शोल्जको बलमा एलबीडब्लू आउट भए ।

आउट हुनुअघि उनले ६४ बलमा ८ चौका र १ छक्का प्रहार गर्दै ५८ रन बनाए । उनको स्थानमा कप्तान रोहित पौडेल क्रिजमा आएका छन् । यससँगै नेपालले चौथो विकेट गुमाएको छ ।