काठमाडौं- दक्षिण कोरियालाई पराजित गर्दै जोर्डन एएफसी एशियन कपको फाइनलमा प्रवेश गरेको छ ।
मंगलबार भएकाे सेमिफाइनलमा दक्षिण कोरियालाई २-० गोल अन्तरले पराजित गर्दै जोर्डन फाइनलमा पुगेको हो । जोर्डन पहिलो पटक एशियन कपको फाइनलमा पुगेको हो ।
पहिलो हाफमा गोलरहित बराबरीमा सकिएको खेलमा दोस्रो हाफमा जोर्डनले २ गोल गर्यो । जोर्डनको जितमा याजन अल नैमत र मुसा अल तामारीले एक एक गोल गरेका थिए ।
यससँगै अब जोर्डनले फाइनलमा इरान र कतारबीचको विजेतासँग खेल्ने छ । इरान र कतारबीचको दोस्रो सेमिफाइनल खेल बुधबार राति हुनेछ ।
यो खबर पढेर तपाईलाई कस्तो महसुस भयो ?
प्रतिक्रिया