काठमाडौँ – इङ्लिस प्रिमियर लिगअन्तर्गत गए राति भएको खेलमा म्यानचेस्टर युनाइटेड विजयी भएको छ । युनाईटेडले लुटन टाउनलाई २–१ गोलअन्तरले पराजित गरेको हो ।
युनाईटेडको जितका लागि दुबै गोल रास्मस होजलन्डले गरे । खेलको पहिलो मिनेटमै गोल गर्दै हजलन्डले म्यानचेस्टर युनाइटेडलाई अग्रता दिलाएका थिए ।
खेलको सातौँ मिनेटमा गोल गर्दै यसलाई दोब्बर पारेका उनको यही योगदान नै युनाईटेडका लागि जित निकाल्न काफी भयो ।
उता लुटन टाउनका कार्लटन मोरिसले खेलको १४औँ मिनेटमा गोल गर्दै खेलमा फर्कने प्रयास गरे । तर, त्यसपछि दुवै टोलीले कुनै पनि गोल गर्न नसक्दा म्यानचेस्टर युनाइटेड २–१ गोलले विजयी भयो ।
लिगमा युनाइटेडको यो लगातार चौथो जित हो र यससँगै क्लबको शीर्ष चारको सम्भावना ब्युँझिएको छ ।
यो खबर पढेर तपाईलाई कस्तो महसुस भयो ?
प्रतिक्रिया