काठमाडौं- एसीसी वुमेन्स प्रिमियर कपमा नेपालविरुद्ध मालदिभ्स १३ रनमै अल आउट भएको छ ।
मलेशियामा जारी खेलमा नेपालले दिएको २ सय २८ रनको लक्ष्य पछ्याउँदै जवाफी ब्याटिङ गरेको मालदिभ्स १३ ओभर ५ बलमा केबल १३ रनमा अल आउट भयो । यससँगै नेपालले माल्दिभ्सलाई २ सय १४ रनले पराजित गर्यो ।
नेपालकी अश्मिना कर्माचार्यले ४ विकेट लिइन् । यसअघि रुविना क्षेत्रीको ऐतिहासिक शतकसँगै नेपालले निर्धारित २० ओभरमा ४ विकेट गुमाउँदै २ सय २७ रन बनाएको थियो ।
रुविना नेपालबाट महिला कुनै पनि अन्तर्राष्ट्रिय क्रिकेटमा शतक हान्ने पहिलो खेलाडी समेत बनिन् ।
यो खबर पढेर तपाईलाई कस्तो महसुस भयो ?
प्रतिक्रिया