काठमाडौं- दक्षिण अफ्रिकामा जारी यू-१९ विश्वकप क्रिकेट अन्तर्गत आफ्नो दोस्रो खेलमा नेपालले आज पाकिस्तानको सामना गर्दैछ ।
खेल दक्षिण अफ्रिकाको इस्ट लण्डनमा रहेको बफेलो पार्कमा नेपाली समय अनुसार दिउँसो १ः४५ बजे सुरु हुनेछ ।
यसअघि पहिलो खेलमा नेपाल न्युजिल्याण्डसँग ६४ रनले पराजित भएको थियो । पाकिस्तानले भने आफ्नो पहिलो खेलमा अफगानिस्तानलाई पराजित गरेको थियो ।
यसअघि यू-१९ क्रिकेट विश्वकपमा नेपाल र पाकिस्तानबीच भएका तीन खेलमध्ये दुबै टिमले समान एक खेल जितेका छन् भने एक खेल नतिजाविहीन भएको थियो । समूह ‘डी’ मा नेपालसँगै पाकिस्तान, अफगानिस्तान र न्युजिल्याण्ड रहेका छन् ।
यो खबर पढेर तपाईलाई कस्तो महसुस भयो ?
प्रतिक्रिया