काठमाडौँ– स्पेनिस ला लिगा फुटबल अन्तर्गत गएराती भएको खेलमा एट्लेटिको मड्रिडसंग ग्रानाडा पराजित भएको छ । खेलमा एट्लेटिकोले १–० गोलअन्तरको जित निकालेको हो ।
एट्लेटिकोको जितका लागि अल्भारो मोराटाले एक गोल गरेका थिए । पहिलो हाफ गोलरहित बराबरी सकिएको खेलमा दोस्रो हाफको ५४औँ मिनेटमा मोराटाले गोल गरेका थिए ।
उनको यो गोल नै टोलीको जितका लागि निर्णायक बनेको थियो ।
यो जितपछि एट्लेटिको मड्रिड २० खेलबाट ४१ अंक जोडेर तालिकाको चौथो स्थानमा उक्लिएको छ । शीर्ष स्थानको जिरोनाको ५२ अंक छ । यस्तै, पराजित भएको ग्रानाडा ११ अंकसहित अन्तिमबाट दोस्रोमा छ ।
यो खबर पढेर तपाईलाई कस्तो महसुस भयो ?
प्रतिक्रिया