काठमाडौँ– इटालियन सिरी ए फुटबलमा बोलोग्ना र जेनोवाले बराबरी खेल्दै अंक बाँडेका छन् । गए राति भएको खेलमा दुवै टोलीले एक–एक गोलको बराबरी खेलेका हुन् ।
बोलोग्नाका लागि लोरेन्जो डि सिल्वेस्ट्र र जेनोवाका अल्वर्ट गुडमन्डसनले एक–एक गोल गरेका थिए ।
जेनोवाले खेलको २०औँ मिनेटमा सुरुवाती गोल गरे पनि बोलोग्नाले दोस्रो हाफको इन्जुरी समयमा गरेको गोल रोक्न नसक्दा जित कायम गर्न सकेन ।
यो बराबरीपछि बोलोग्ना १९ खेलबाट ३२ अंक जोडेर तालिकाको पाँचौँ स्थानमा रहेको छ भने जेनोवा २२ अंकका साथ १२औँ स्थानमा छ ।
यो खबर पढेर तपाईलाई कस्तो महसुस भयो ?
प्रतिक्रिया