यस्ता समस्या भएका व्यक्तिहरुले काउलीको सेवन नगर्नुहोस्

काठमाडौँ- काउली लोकप्रिय तरकारी हो । हाम्रो भान्छामा पनि काउली धेरैजसो पाक्ने गर्छ । काउली स्वादमा मिठो हुनुका साथै स्वास्थ्यका हिसाबले पनि निकै फाइदाजनक छ ।

स्वास्थ्यको लागि मौसमी फलफूल र तरकारी खानु महत्त्वपूर्ण मानिन्छ । काउली यस्तै एक तरकारी हो, जसको सेवनले धेरै फाइदा हुन्छ । काउली धेरै पोषक तत्वले भरिपूर्ण तरकारी हो । यसले मुटु रोग र क्यान्सर लगायत धेरै रोगहरूको जोखिम कम गर्न मद्दत गर्छ ।

काउलीमा क्यालोरी धेरै कम हुन्छ । यसमा विभिन्न भिटामिन र खनिजहरू पनि पाइन्छ । यसमा भिटामिन सी, फोलेट र भिटामिन–के सहित धेरै खनिजहरू पनि पाइन्छ । काउलीमा फाइबरको मात्रा धेरै हुन्छ, जुन समग्र स्वास्थ्यको लागि फाइदाजनक छ ।

१०० ग्राम काउलीमा २ ग्राम फाइबर हुन्छ, जुन तपाईंको दैनिक आवश्यकताको ७ प्रतिशत हो । फाइबरयुक्त खानेकुराहरूले तपाईंको पेटमा स्वस्थ ब्याक्टेरियालाई पोषण दिन्छ, जसले पाचन राम्रो राख्छ । सुगर लेभल र कोलेस्ट्रोल घटाउन पनि फाइबरयुक्त खानेकुराहरू फाइदाजनक हुन्छ । यसबाहेक काउली एन्टिअक्सिडेन्टको उत्कृष्ट स्रोत हो, जसले तपाईंका कोषिकाहरूलाई हानिकारक फ्री रेडिकल्सबाट बचाउन र क्रोनिक रोगहरूको जोखिम कम गर्न मद्दत गर्छ ।

स्वास्थ्य विज्ञका अनुसार उमालेको वा राम्रोसँग पकाएको काउली मात्र खानुपर्छ । साथै, एक दिन काउली खाएपछि केही दिनको अन्तराल राख्नुपर्छ । काउलीको सेवन सीमित मात्रामा मात्र गर्नुहोस् । थाइराइडजस्ता समस्या भएकाले यसबाट टाढा रहनु राम्रो हुन्छ । काउलीमा क्याल्सियम पनि धेरै हुन्छ, जसले पत्थरीको समस्या बढाउन सक्छ । यस्ता समस्या भएका मान्छेले सीमित मात्रामा काउलीको सेवन गर्नुपर्छ । तर, के तपाईंलाई थाहा छ केही मानिसहरूले काउली धेरै खानु हुँदैन ? यसले केही व्यक्तिहरूको स्वास्थ्य समस्यालाई बढाउन सक्छ ।

धेरै स्वास्थ्य लाभका साथै काउलीका केही नकारात्मक प्रभावहरू पनि हुन सक्छ । अध्ययनहरूले देखाएका छन् कि थाइराइड भएका व्यक्तिहरूले यसबाट टाढा रहनुपर्छ । वास्तवमा काउलीले टी-३ र टी-४ हर्मोनको स्तरलाई प्रभावित गर्न सक्छ, त्यसैले यो स्वास्थ्य समस्या भएका व्यक्तिहरूले काउली खानु हुँदैन ।

काउलीमा भिटामिन ए, बी र सी पाइन्छन्, जुन स्वास्थ्यको लागि फाइदाजनक हुन्छ । यद्यपि, दैनिक काउली खाँदा केही मानिसहरूलाई पेट फुल्ने, ग्यास र एसिडिटीको समस्या हुन सक्छ । त्यसैगरी पित्त थैली वा मिर्गौलामा पत्थरी भएकाहरूले पनि काउली खानबाट बच्नुपर्छ ।