आज पनि घट्यो सुनको भाउ, कतिमा भइरहेको छ कारोबार?

काठमाडौँ– नेपाली बजारमा आज सुन चाँदीको मूल्य घटेको छ । केही दिनयता घटेको सुनको भाउ आज तेस्रो दिन पनि घटेको हो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला १ लाख ४८ हजार ५ सयमा कारोबार भइरहेको छ । अघिल्लो दिनको तुलनामा आज प्रतितोला ५ सयले घटेको हो ।

यस्तै आज चाँदीको मूल्य पनि २० रुपैयाँले घटेको छ । महासंघका अनुसार आज चाँदी प्रतितोला १ हजार ७ सय ६० मा कारोबार भइरहेको छ ।