सगरमाथा आरोहणका लागि कविताको तीव्र तयारी

काठमाडौँ– सवोच्च शिखर सगरमाथा आरोहणका लागि यतिबेला डान्सर तथा अभिनेत्री कविता नेपाली तीव्र तयारीमा जुटेकी छिन् ।

फिल्म ‘एक्लो’टिमका अनुसार उनी केही दिनदेखि खुम्बु आसपासका विभिन्न शिखरमा गएर हिमाल आरोहणको प्रशिक्षण लिइरहेकी छिन् । कविताको समेत अभिनय रहेको फिल्म एक्लो टिमले समेत उनलाई सहायता प्रदान गर्नेछ ।

फिल्मको छायाङ्न सकेर नै उनी हिमाल आरोहणतिर लागेकी हुन् । यसै फिल्मको छायाङ्कनको क्रममा अपर मुस्ताङमा पुग्दा त्यहाँको हिमालहरु देखेर कविताले हिमाल चढ्ने सोच बनाएकी थिइन् ।

आगामी चैत अन्तिम तथा बैशाखमा सगरमाथा शिखरमा जाने उनको लक्ष्य रहेको छ । डान्सिङ्ग रियालिटी शोको विजेता बनेकी कविता नेपालीले दर्जनौं म्युजिक भिडियो, वेव सिरिजमा काम गरेकी छिन् । एक्लो भने उनको डेब्यु फिल्म हो ।