काठमाडौँ– दक्षिण भारतीय फिल्म ‘बाहुबली’ बाट चर्चामा आएका अभिनेता प्रभासको आफ्नो छुट्टै दबदबा छ । हालै प्रदर्शनमा आएको उनी अभिनित फिल्म ‘सलार’ ले पनि दर्शकको साथ पायो ।
यो फिल्म रिलिजपछि उनको डुब्न लागेको करिअर पुन: माथि उठेको भन्ने चर्चा पनि चल्ने गर्छ । प्रशान्त नील निर्देशित फिल्म ‘सलार’ हिट भएपछि प्रभासका फ्यानले उनको अर्को फिल्मको प्रतीक्षा गरिरहेका छन् । तर, अब भने केही समयका लागि प्रभासले अभिनयबाट ब्रेक लिने भएका छन् ।
भारतीय मिडियाका अनुसार प्रभासको ‘सालार’ फिल्मले सफलता पाएपछि केही समयका लागि उनले अभिनयबाट ब्रेक लिने निर्णय गरेका हुन् । यस्तै उनले अर्को फिल्म ‘कल्की २८९८ एडी’ अघि नै ‘माइण्ड फ्रेस’ र स्वास्थ्यका कारण अभिनयबाट ब्रेक लिएका बताएका हुन् ।
उनी आफ्नो करियरमा अझ बढी केन्द्रित हुन र आन्तरिक शक्ति बढाउन करीब एक महिना अभिनयबाट टाढा रहने छन् । प्रभासको लाइनअपमा ९ मार्च २०२४ मा रिलिज हुने फिल्म ‘कल्की २८९८ एडी’ फिल्म रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया