काठमाडौँ – भारतीय समाजवादी पार्टीकी सांसद तथा अभिनेत्री जया बच्चन पछिल्ला केही दिनदेखि चर्चामा छिन् । हालै उनी काजोलले आयोजना गरेको दुर्गा पूजामा सहभागी भइन् । अब जया बच्चनको आगामी फिल्मसँग सम्बन्धित जानकारी सार्वजनिक भएको छ ।
जया बच्चनको आगामी फिल्मको नाम ‘दरवाजा’ रहेको बताइएको छ । यसको छायांकन अक्टोबरको अन्त्यबाट सुरु हुनेछ । यो फिल्मलाई विकास बहलले निर्देशन गर्नेछन् ।
कमेडीले भरिपूर्ण यो फिल्ममा जया बच्चन मुख्य भूमिकामा रहने बताइएको छ । जया बच्चन फिल्ममा कमेडी गर्दै देखिने यो पहिलो पटक हो ।
फिल्म ‘दरवाजा’को कथा जया बच्चनको चरित्रको वरिपरि घुम्नेछ । फिल्ममा थप रोचक पात्रहरू हुनेछन्, तर उनीहरूको बारेमा धेरै जानकारी उपलब्ध छैन। निर्माण पक्षले छिट्टै फिल्मको आधिकारिक जानकारी दिनेछ ।
जया बच्चन पछिल्लो पटक फिल्म ‘रकी और रानी की प्रेम कहानी’ मा देखिएकी थिइन् । यसमा आलिया भट्ट र रणवीर सिंह मुख्य भूमिकामा थिए।
यो खबर पढेर तपाईलाई कस्तो महसुस भयो ?
प्रतिक्रिया