काठमाडाैँ – ग्लोबल आईकन बनेकी प्रियंका चोपडा आफ्नो करियरको उचाईमा छिन् ।
उनी अहिले एक पछि अर्को ‘हलिउड प्रोजेक्ट’ ‘साइन’ गरिरहेका छिन् । यसअघि ‘सिटाडेल’ मा देखिएकी उनी यहि ‘स्पाई थ्रिलर’ सिरिजको दोस्रो सिजनमा पनि देखिने छिन् ।
रिचर्ड म्याडेन स्टारर यो सिरिज पछि प्रियंकाले हलिउडकै ‘द ब्लफ’ फिल्ममा समेत जोडिएका छिन् । जुन १८०० दशकमा आधारित ‘पियिरड ड्रामा’ विधाको फिल्म हो ।
यो फिल्म जुनबाट ‘फ्लोर’मा जाने बताइएको छ । बताइए अनुसार यो फिल्मका निर्माता द रुसो ब्रदर्स हुन् । तर प्रियकाको संलग्नताबारे उनी स्वयम र निर्माण पक्षले आधिकारिक घोषणा भने गरेका छैनन् ।
यद्यपि उनका लागि अरू काम पनि पाइपलाईनमा छन् । उनले अब गर्ने काममा ‘सिटाडेल २’ को नाम छ भने ‘हेड्स अफ स्टेट’ मा पनि उनी देखिने छिन् । योसँगै उनी बलिउडमा पनि देखिँदै छिन् ।
जसमा प्रियंकासंगै आलिया भट्ट र कैटरीना कैफको पनि सहकार्य रहने छ । रीमा कागतीको निर्माणमा बन्न लागेको यस फिल्मको निर्देशन निर्माता तथा अभिनेता फरहान अख्तरले गर्ने छन् ।
यो खबर पढेर तपाईलाई कस्तो महसुस भयो ?
प्रतिक्रिया