सिरानी कता फर्काएर सुत्दा राम्रो 

सुत्नका लागि उपयुक्त दिशामा सिरानी हुन जरुरी छ । वायुमण्डलका ऊर्जाका नकारात्मक किरण शरीरमा प्रवेश गर्दा जीवनमा नकारात्मक प्रभाव पर्ने भएका कारण ऊर्जा कम गर्नका लागि वास्तुको विशेष महत्त्व भएको वास्तुशास्त्रमा उल्लेख छ ।

गृहस्वामीको मुख्य शयनकक्ष घरको दक्षिण या पश्चिम दिशामा हुनुपर्छ।पृथ्वीको दक्षिणमा ध्रुव र शिरको रूपमा मनुष्यको उत्तरी ध्रुवले ऊर्जाको एउटा धारा पूर्ण पार्छ।

त्यसैप्रकार पृथ्वीको उत्तरी ध्रुव र मनुष्यको खुट्टाको दक्षिणी ध्रुवले पनि ऊर्जाको अर्को धारालाई पूर्ण पार्छ र चुम्बकीय तरङ्गको प्रवेशमा बाधा उत्पन्न हुँदैन।

त्यस्तो हुने भएकाले सुतेको मानिसलाई शान्ति एवं गहिरो निन्द्रा लाग्छ। यसबाट राम्रो बुद्धिको विकास हुन्छ र साथै घरमा पनि सुख-समृद्धि एवं सम्पन्नता हुने गर्छ।यदि दक्षिण दिशामा सिरानी राख्न सम्भव हुँदैन भने पश्चिमतर्फ राख्न सकिन्छ। अन्य दिशामा पलङ र सिरानी राख्नाले बुद्धि सञ्चालन ठिकसँग हुन पाउँदैन।

सुत्नको लागि पूर्व सबैभन्दा राम्रो हो । उत्तर पूर्व पनि सुत्न सकिन्छ । पश्चिम राम्रो मानिन्छ । दक्षिण पनि राम्रो नै हुन्छ ।  पृथ्वीको उत्तरी गोलार्द्धमा हुनुहुन्छ भने उत्तर बाहेकको सबै दिशामा सुत्नु राम्रो हो । तर दक्षिणी गोलार्द्धमा बसोबास गर्नेका लागि भने दक्षिण सिरानी गर्नु हुँदैन।