करङमा चोट लागेपछि सलमानको फिल्म सिकन्दरको सुटिङ रोकियो, इदमा रिलिज नहुने

काठमाडौँ – सलमान खानको फिल्म सिकन्दरको सुटिङ रोकिएको छ । सलमान खान घाइते भएको खबर आएपछि सिकन्दरको सुटिङ राेकिएकाे हाे ।

यतिबेला सलमान खान आफ्नो आगामी फिल्म सिकन्दरलाई लिएर चर्चामा छन् । फिल्मको छायांकन भैरहेको र इदमा सिकन्दर रिलिज हुने बताइएको छ । सलमानले हालै एआर मुरुगादासको फिल्म सिकन्दरको सुटिङबाट समय निकालेर मुम्बईको एक कार्यक्रममा भाग लिएका थिए ।

यस क्रममा सलमानले आफ्नो २००९ मा आएको फिल्म वान्टेडको जलवा गीतमा नाच्दै गणेश चतुर्थीको अवसरमा पर्यावरणमैत्री गणपति ल्याउन आग्रह गरेका थिए । तर सलमानको फिल्म सिकन्दरको सुटिङ रोकिएको खबर आइरहेको छ ।

मुम्बईमा आयोजित उक्त कार्यक्रममा जब सलमान खान नाच्दै थिए, उनी अलि समस्यामा देखिए । यसै क्रममा कार्यक्रमको होस्टले सलमानलाई करङमा चोट लागेको खुलासा गरेका थिए ।

फ्यानहरूले सलमान खानको स्वास्थ्यप्रति चिन्ता व्यक्त गरेका छन् । एक फ्यानले लेखेका छन्, ‘अब सलमान खानले आफ्नो करङको चोटलाई गम्भीर रूपमा लिने समय आएको छ । उनी छिट्टै निको होस् भन्ने कामना गर्छु।’ अर्काले लेखेका छन्, ‘स्वास्थ्यभन्दा महत्त्वपूर्ण केही छैन… सलमान सर, आफ्नो ख्याल राख्नुहोस्।’

रिपोर्टका अनुसार सलमान खान २६ अगस्टदेखि मुम्बईमा ‘सिकंदर’को ४५ दिने म्याराथन कार्यक्रममा छन्। रिपोर्टमा भनिएको छ कि साजिद नाडियाडवाला र प्रोडक्सन टीमले मुम्बईको एक स्टुडियोमा विशाल सेट बनाएका छन्, जसमा शहरका केही भागहरू क्लोन गरी त्यहाँ सुटिङ गरिने छ।

मुम्बईको कार्यक्रमपछि ‘सिकन्दर’को टिमले भारतको एउटा दरबारमा १५ देखि २० दिनको कार्यक्रम सुटिङ गर्ने योजना बनाएको पनि रिपोर्टमा उल्लेख छ । उनीहरु अहिले फिल्ममा भव्य देखिने लोकेशनको खोजीमा छन् । तेस्रो तालिका यस वर्ष नोभेम्बरमा सुरु हुने अपेक्षा गरिएको छ। सन् २०२५ को इदमा ‘सिकन्दर’ ठूलो पर्दामा रिलिज गर्ने योजना छ ।