काठमाडौँ – काठमाडौँमा जारी साफ यू-२० च्याम्पियनसिपको सेमिफाइनलका खेल आजदेखि शुरु हुदै छन् । सेमिफाइनलको पहिलो खेलमा आज नेपालले भुटानको सामना गर्दै छ ।
सातदोबाटोस्थित एन्फा कम्प्लेक्समा हुने यो खेल अपराह्न ३ बजेदेखि शुरु हुने छ ।
यस प्रतियोगितामा नेपाल समूह ए का दुवै खेल जितेर समूह विजेता हुदै सेमिफाइनल खेल्दै छ । नेपालले समूह चरणमा श्रीलंकालाई १-० ले बङ्गलादेशलाई २-१ गोल अन्तरले पराजित गरेको थियो ।
त्यस्तै भुटान भने समूह बी मा उपविजेता भन्दै सेमिफाइनलमा खेल्दै छ । भुटानले मालदिभ्सलाई २-१ ले पराजित गरेको थियो भने भारतसँग १-० ले पराजित भएको थियो ।
त्यस्तै दोस्रो सेमिफाइनल खेल भारत र बङ्गलादेशबीच सोमबार हुने छ । प्रतियोगिताको फाइनल खेल बुधबार हुने तालिका रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया