ह्वात्तै बढ्यो सुन चाँदीको मूल्य, कतिमा हुँदै छ कारोबार ?

काठमाडौँ– आज नेपाली बजारमा सुनको मूल्यमा वृद्धि भएको छ । सुनचाँदी व्यवसायी महासंघका अनुसार शुक्रबार सुनको प्रतितोला एक हजार ५०० रुपैयाँले बढेको हो ।

यससँगै आज सुन प्रतितोला एक लाख ४८ हजार एक सय रूपैयाँमा कारोबार भइरहेको महासंघले जनाएको छ ।

बिहीबार छापावाल सुन प्रतितोला एक लाख ४६ हजार छ सय रूपैयाँमा कारोबार भएको थियो।

त्यसैगरी, चाँदीको मूल्यमा पनि प्रतितोला ४० रुपैयाँले बढेको छ । बिहीबार प्रतितोला १६९० मा कारोबार भएको चाँदीको मूल्य शुक्रबार प्रतितोला १७ सय ३० रूपैयाँमा किनबेच भइरहेको छ।