सुनको मूल्यमा नयाँ रेकर्ड, कतिमा हुँदै छ कारोबार ?

काठमाडौँ– नेपाली बजारमा सुनको भाउ प्रतितोला डेढ लाख पुगेको छ । शुक्रबार प्रतितोला ५०० रुपैयाँ बढेसँगै सुनको भाउ एक लाख ४९ हजार ९०० रुपैयाँ पुगेको छ ।

यसअघि बिहीबार सुनको मूल्य प्रतितोला एक लाख ४९ हजार ४०० रुपैयाँमा कारोबार हुँदै आएको थियो । शुक्रबार भाउ बढेसँगै सुनको मूल्यमा नयाँ रेकर्ड कायम भएको छ ।

यसअघि साउन २ गते भाउ प्रतितोला १ लाख ४९ हजार ८ सय रुपैयाँको उच्च रेकर्ड रहेको थियो ।

चाँदीको भाउ प्रतितोला १७९५ रुपैयाँ कायम भएको छ । अघिल्लो दिनको तुलनामा चाँदी ५ रुपैयाँ घटेको हो ।