एक्सनले भरिपूर्ण जोन अब्राहमको फिल्म ‘भेदा’ को ट्रेलर सार्वजनिक (भिडियो)

काठमाडौँ– हिन्दी फिल्म ‘भेदा’ को ट्रेलर सार्वजनिक गरिएको छ । एक्सनले भरिपूर्ण ट्रेलरमा बदलाको कथा देख्न सकिन्छ ।

जी म्यूजिक कम्पनीमार्फत सार्वजनिक गरिएको ट्रेलरमा शीर्ष भूमिकामा जोन अब्राहमलाई देख्न सकिन्छ ।

फिल्मलाई बहादुरीको कथा भनिएको छ । एक भारतीय नारीलाई अन्यायविरुद्ध लड्न र न्याय दिलाउन जोन अब्राहम फिल्ममा फाइटरको भूमिकामा देखिएका छन् ।

निखिल अड्भानीको निर्देशन रहेको यो फिल्ममा असीम अरोराको लेखन रहेको छ । यो फिल्म आउँदो १५ अगस्तदेखि विश्वभर एकसाथ प्रदर्शनमा आउँदैछ ।